2021-jıl 4-yanvar kúni Mámleketlik test orayı hám onıń aymaqlıq bólimlerinde yanvar ayında ótkeriletuǵın shet tilin biliw hám iyelew dárejesin anıqlaw test sınawları ushın talabanlardıń hújjetlerin qabıllaw baslandı.

Hújjetlerdi qabıllaw barlıq bólimlerde 8-yanvar kúnine shekem (8-yanvar kúni de) dawam etedi.

Qabıllaw ushın kerekli hújjetler dizimi:

• pasport (pasport jasına jetpegenler tuwılǵanlıq haqqındaǵı gúwalıq) hám onıń nusqası;
• onlayn arzanıń baspa nusqası;
• tólemdi ámelge asırǵanlıq haqqındaǵı hújjet nusqası(kvitanciya).

Esletip ótemiz, yanvar ayında ótkeriletuǵın test sınawları tek Tashkent qalasında emes, wálayatlar hám Qaraqalpaqstan Respublikasında da shólkemlestiriledi.

Talabanlar dizimnen ótiw waqtında ózlerine qolaylı bolǵan aymaqtı test tapsırıw aymaǵı sıpatında tańlawına boladı.

Dizimge alıw Mámleketlik test orayınıń rásmiy veb-saytı arqalı (https://dtm.uz/page/cefr) ámelge asırılmaqta.

Mámleketlik test orayı xabar xızmeti