Mámleketlik test orayı qánigeleri tárepinen ulıwma bilim beriw pánleri boyınsha test tapsırmaların dúziwde xalıq aralıq tájiriybeler (Ullı Britaniya, Germaniya, Rossiya Federaciyası, Belorussiya, Turkiya, Qazaqstan hám basqalar) úyrenilip, úyrenilgen maǵlıwmatlar hám ámelge asırılǵan analizler tiykarında jańa formattaǵı test tapsırmaları qáliplestirildi.

Jańa formattaǵı test tapsırmaları 12 ulıwma bilim beriw páni boyınsha qáliplestirilgen bolıp, 2022-jıl 15-18-mart kúnleri usı test tapsırmaları aprobaciyadan ótkerildi.

Test tapsırmaları aprobaciyası barlıq aymaqlarda, Qaraqalpaqstan Respublikası, wәlayatlar hám Tashkent qalasında shólkemlestirildi.

Aprobaciya processinde akademiyalıq licey, qánigelestirilgen ulıwma bilim beriw mektepleri hám ulıwma orta bilim beriw mektepleriniń 5 mıńǵa jaqın pitkeriwshileri qatnastı.

Mámleketlik test orayınıń málimleme xızmeti