2025-jıl 18-mart kúni Bilim hám mamanlıqtı bahalaw agentligi Hayal-qızlar baslanǵısh shólkeminiń náwbettegi jıynalısı bolıp ótti. Jıynalısta Ózbekstan Respublikası Prezidentiniń 2023-jıl 21-dekabrdegi “Shańaraqlardı bekkemlew hám hayal-qızlardıń belsendiligin arttırıw boyınsha qosımsha ilajlar haqqında”ģı PQ-401-san qararında belgilengen tiyisli wazıypalardıń orınlanıwı haqqında maǵlıwmat berildi.

Qarardıń 5.2-bántinde “ministrlik hám keńseler hár jılı byudjetten tısqarı aqshalar esabınan mámleketlik emes shólkemler arqalı hayal-qızlardıń huqıqların támiyinlew boyınsha social úyreniwler, sorawlar hám analizler ótkeriw, sociallıq rolikler jaratıwdı jobalastırsın” dep belgilengen.

Qararda belgilengen wazıypalardıń atqarılıwın támiyinlew maqsetinde Bilim hám mamanlıqtı bahalaw agentliginiń 2023-jıl 26-dekabrinde “Ózbekstan Respublikası Prezidenti qararınıń orınlanıwı haqqında”ģı 01-740-san buyrıǵı hám 2025-jıl 28-yanvarda is-ilajlar jobası tastıyıqlanǵan.

Is-ilajlar jobasınıń 1-bántindegi wazıypanıń orınlanıwı haqqında ámeldegi jıl yanvar ayında “Hayal qádiri” temasında sociallıq rolik tayarlandı hám hayal-qızlar komitetine usınıldı. 2-bánti tuwralı fevral ayında hayal-qızlardıń huqıqların támiyinlew, psixologiyalıq turaqlılıǵın anıqlaw boyınsha anonim sorawlar hám talqılaw ótkerildi. Talqılaw nátiyjesi unamlı dep tabıldı.

Hayal-qızlar baslanǵısh shólkeminiń náwbettegi jıynalısında is-ilajlar jobasınıń 3-bántine muwapıq Hayal-qızlardıń máseleleri, mútájlikleri hám qızıǵıwshılıqların úyreniw hám talqılawlar ótkeriwge qaratılǵan sorawnama ótkerildi. Sorawnamada jámi 44 hayal-qızlar qatnastı.