Talabalar oqıwın sırt mámleketlerde iskerlik etip atırǵan (atap aytqanda, xalıqaralıq tán alınǵan reytinglerde birinshi 1 000 orınnan birin iyelegen) joqarı bilimlendiriw shólkemlerinen Ózbekstan Respublikası mámleketlik joqarı bilimlendiriw mákemeleriniń sáykes hám usı túrdegi bilim baǵdarlarına kóshiriw boyınsha arzalardı onlayn qabıllaw baslandı.

Sırt mámleketlerden oqıwın kóshiriw boyınsha arzalardı qabıllaw 15-iyuldan 5-avgustqa shekem transfer.dtm.uz saytı arqalı ámelge asırıladı.

Sırt mámleketlerden oqıwın kóshiriw boyınsha ótiw balları 25-iyulǵa shekem Joqarı hám orta arnawlı bilimlendiriw ministrligi hám de sistemasında joqarı bilimlendiriw mákemeleri bolǵan ministrlik hám organlar tárepinen belgilenedi hám de ǵalaba xabar qurallarında járiyalanadı.

Bunda talabalar oqıwın sırt mámleketlerdegi joqarı bilimlendiriw shólkemlerinen Ózbekstan Respublikası mámleketlik joqarı bilimlendiriw mákemeleriniń sáykes hám usı túrde bolmaǵan bilim baǵdarlarına kóshiriwge ruqsat etilmeydi.

Talabalar oqıwın Ózbekstan Respublikasınıń bir aymaǵında jaylasqan mámleketlik joqarı bilimlendiriw mákemesinen basqa aymaǵındaǵı mámleketlik joqarı bilimlendiriw mákemesine kóshiriw boyınsha arzalardı qabıllaw Joqarı hám orta arnawlı bilimlendiriw ministrliginiń transfer.edu.uz saytı arqalı ámelge asırıladı.

Mámleketlik test orayı xabar xızmeti