Mámleketlik test orayınıń Xorezm wálayatı bóliminiń xızmetkerleri Xorezm wálayatı Ádillik basqarmasınıń tiyisli xızmetkerleri menen birge oqıw seminarlarınıń 1-basqıshın juwmaqladı.

Bul oqıw seminarları joqarı bilimlendiriw mekemelerine bilimlilerdi tańlawda ádillikti támiyinlew, Ózbekstan Respublikası Prezidenti hám Ministrler Kabineti qararlarınıń mazmun-mánisin keń jámiyetshilikke túsindiriw maqsetinde 2020-jıl 13-yanvardan 21-yanvarǵa shekemgi múddette ótkerildi.

Ilajlarda wálayattaǵı rayon, (qala)lar xalıq bilimlendiriw bólimleri baslıqları, ulıwma bilim beriw mektepleriniń direktorları, pitkeriwshi klass oqıwshıları hám máhálle belsendileri jámi 1500 den artıq qatnasıwshı boldı.

Ushırasıwlarda qatnasıwshılarǵa test sınawları menen baylanıslı normativ-huqıqıy hújjetlerdiń mazmun-mánisi, Mámleketlik test orayı tárepinen ámelge asırılıp atırǵan ózgerisler hám en jaydırılıp atırǵan jańalıqlar, abiturientler ushın jaratılǵan qolaylılıqlar hám imkaniyatlar, bilimlendiriw baǵdarlarına sáykes test sınawı tapsırılatuǵın pánler toplamı, test tapsırmaları sanı hám de bahalaw ólshemleri haqqında túsinikler berildi.

Mámleketlik test orayı xabar xızmeti