2021-jıl 1-fevral kúni “Ulıwma orta, orta arnawlı bilimlendiriw mekemeleri hám kásip-óner mektepleri pitkeriwshileriniń bahaların joqarı bilimlendiriw mekemelerine kiriw imtixanlarında inabatqa alıw tártibi haqqında” Ministrler Kabineti qararı dodalawǵa qoyıldı.

Onda:

• 2022-2023-oqıw jılınan baslap ulıwma orta, orta arnawlı bilimlendiriw mekemeleri hám kásip-óner mektepleri pitkeriwshileriniń attestatı (diplom qosımshası)na májbúriy 11 jıllıq bilimlendiriwdiń sońǵı 6 jıllıq bahalarınıń ortasha kórsetkishi kirgiziledi hám usı kórsetkish 2023-2024-oqıw jılınan baslap joqarı bilimlendiriw mekemesine kiriw imtixanlarında inabatqa alınadı.
• Ulıwma orta bilimlendiriw mekemesi pitkeriwshileri bahasınıń ortasha kórsetkishin esaplawda pitkeriwshiniń 6 – 11-klaslardaǵı jıllıq bahalarınıń ulıwma jıyındısı hárbir klastaǵı oqıǵan pánler sanınıń ulıwma jıyındısına qarap alınadı.
• Mámleketlik test orayı tárepinen joqarı bilimlendiriw mekemelerine qabıllaw test sınaqları juwmaqlanǵannan soń, belgilengen múddette, tańlawǵa shekem abiturientlerdiń test sınaǵı procesinde toplaǵan ballarına tiyisli bilimlendiriw shólkemleri tárepinen kirgizilgen pitkeriwshilerdiń (abiturientler) bahalarınıń ortasha kórsetkishleri qosıladı hám tańlaw ámelge asırıladı.
• Pitkeriwshi (abiturient) test sınaǵında toplaw múmkin bolǵan maksimal baldıń 30 payızınan kem ball toplasa, ajıratılǵan kvota sheńberinde tańlawda qatnasa almaydı.

Joybar menen tolıq tanısıw ushın: https://regulation.gov.uz/uz/document/28636

Mámleketlik test orayı xabar xızmeti