2020-jıl 23-24-dekabr kúnleri Qaraqalpaqstan Respublikası, wálayatlar hám Tashkent qalasında shet tilleri oqıtıwshılarınıń bazalıq lawazım is haqılarına aylıq ústeme belgilew test sınawlarınıń birinshi basqıshı bolıp ótti.

Test sınawları inglis, nemec, francuz, qıtay, koreys, yapon, túrk, parsı, pushtu hám ispan tillerinen ótkerildi.

Onda qatnasıwı belgilengen 4 387 shet tilleri oqıtıwshılarınan 3 952 oqıtıwshı qatnastı. 435 talaban test sınawlarına kelmedi, 33 talaban tártip-qaǵıydanı buzǵanı ushın test sınawlarınan shetlettirildi.

Bul test sınawları dáslepki ret brayl álipbesinde de ótkerildi. Yaǵnıy kózi ázzi test tapsırıwshılarǵa qolaylılıq jaratıw maqsetinde olarǵa brayl álipbesinde baspadan shıǵarılǵan test materialları berildi.

Mámleketlik test orayı brayl álipbesinde test materialların baspadan shıǵarıwda ámeliy járdem bergen Kózi ázziler jámiyetine óz minnetdarshılıǵın bildiredi.

Test sınawlarınıń ekinshi basqıshı 2021-jıl yanvar ayında ótkeriledi.

Mámleketlik test orayı xabar xızmeti