2021-jıl 27-aprelden 15-mayǵa shekem ana tili hám ádebiyat hám de matematika, 17-maydan 30-mayǵa shekem bolsa ximiya hám biologiya pánlerinen milliy sertifikatlastırıw sisteması ushın talabanlar onlayn dizimge alınǵanlıǵı belgili.

Usı múddet dawamında onlayn dizimnen ótken hám tólemdi ámelge asırǵan talabanlar ushın test sınaqları 9, 10-iyun kúnleri ótkeriledi.

Test sınaqları Qaraqalpaqstan Respublikası, wálayatlar hám Tashkent qalasında 2 smenada shólkemlestirilip, tómende kórsetilgen múddetlerde bolıp ótedi:

• 9-iyun 1-smena – ximiya;
• 9-iyun 2-smena – matematika;
• 10-iyun 1-smena – biologiya;
• 10-iyun 2-smena – ana tili hám ádebiyat (ózbek tili hám ádebiyatı, rus tili hám ádebiyatı, qaraqalpaq tili hám ádebiyatı).

Talabanlar test ornı, kúni hám waqtın my.dtm.uz saytı arqalı jeke kabinetinen bilip alıwı múmkin.

Mámleketlik test orayı xabar xızmeti