Búgin, 24-oktyabr kúni matematika, fizika, ximiya, biologiya pánlerin biliw dárejesin bahalaw test sınaqları ushın talabanlardı dizimge alıw baslandı.

Talabanlardı dizimge alıw my.dtm.uz saytınıń “Milliy sertifikat” bólimi arqalı ámelge asırılmaqta hám 12-noyabr kúnine shekem dawam etedi.

Bunda talabanlar test tapsırıw tili sıpatında ózbek, rus hám qaraqalpaq tillerinen birin tańlap, usı tilde imtixan tapsırıw huqıqına iye.

Sonday-aq, talabanlar ózlerine qolay bolǵan aymaqtı tańlap, sol aymaqta test sınaǵında qatnasıwı múmkin.

Aymaqlardaǵı test sınaǵı ótkeriletuǵın orınlar sheklengen bolıp, talabanlar usı sıyımlılıqtan kelip shıqqan halda dizimge alınadı.

Usı sebepli hár bir pán boyınsha birinshi bolıp dizimnen ótken hám belgilengen tólemli ámelge asırǵan málim muǵdardaǵı talabanlar test sınaǵında qatnasıw imkaniyatına iye boladı.

Bunda bir aymaqtaǵı orınlar tolıp qalǵan bolsa, basqa aymaqlardıń birin tańlap test sınaǵında qatnasıwı múmkin.

Test sınaǵı matematika hám biologiya pánlerinen 4-dekabr’ kúni, ximiya hám fizika pánlerinen— 18-dekabr kúni bolıp ótedi.

Mámleketlik test orayınıń málimleme xızmeti