“Nizomiy atındaǵı Tashkent mámleketlik pedagogika universiteti iskerligin jetilistiriw boyınsha qosımsha is-ilajlar haqqında»ǵı Prezident qararı (PQ–290, 21.06.2022-j.) qabıl etildi.

Qararǵa bola, 2023-jıldan Nizomiy atındaǵı pedagogika universitetine akademiyalıq, shólkemlestiriw hám finanslıq erkinlik beriledi.

2024-2025-oqıw jılında tájiriybe sınaw tárizinde Universitettiń pedagogika tálim baǵdarlarına qabıllaw processleri eki basqıshta –  dáslepki imtixan hám kiriw test sınaqları arqalı ámelge asırıladı.

Bunda:

• dáslepki imtixan hám kiriw test sınaqları Mámleketlik test orayı tárepinen ótkeriledi;
• dáslepki imtixan sheńberinde abiturientlerdiń pedagogika kásibine bolǵan beyimliligi úyreniledi;
• kiriw test sınaqlarında qatnasıw tek ǵana dáslepki imtixannan tabıslı ótken abiturientlerge ruxsat etiledi.

2024-jıl 1-yanvarǵa shekem:

• Universitet iskerliginde “Joqarı oqıw processlerin basqarıw” informaciyalıq sisteması tolıq engiziledi;
• Universitettiń ilimiy jurnalı Scopus, Web of Science yamasa basqa xalıqaralıq maǵlıwmatlar bazalarına kiritiledi.