Mart ayında bolıp ótetuǵın TOEFL ITP imtixanı ushın talabanlardı onlayn dizimge alıw baslandı.

Dizimge alıw Mámleketlik test orayınıń tárepinen my.dtm.uz saytı arqalı 24-martqa shekem ámelge asırıladı.

Test sınaǵı 24-mart kúni Tashkent qalasında Mámleketlik test orayınıń imaratında onlayn túrde ótkeriledi. Talabanlar test sınaǵı juwmaqlanıwı menen ózleriniń nátiyjesin bilip aladı.

Imtixannan tabıslı ótken talabanlarǵa ETS shólkeminiń xalıqaralıq sertifikatı beriledi.

Talabanlar tómendegi silteme arqalı test úlgileri menen tanısıwları hám test sınaǵına tayarlıq kóriwleri múmkin: https://www.ets.org/toefl_itp/l1v3_ebook.

Test sınaǵı ushın tólew bazalıq esaplaw muǵdarınıń 3,5 esesin (945 000 som) quraydı.

Ózbekstan Respublikası Prezidentiniń 2021-jıl 19-maydaǵı PQ-5117-sanlı qararına muwapıq C1 dárejege sáykes keliwshi TOEFL ITP sertifikatına iye bolǵan oqıw orınlarınıń shet tiller oqıtıwshılarına olardıń bazalıq tarif stavkasına salıstırǵanda hár aylıq 50 procent muǵdarında qosımsha ústeme beriledi.