Abiturientlar abitur.dtm.uz saytı arqalı dizimnen ótkennen soń, “Abiturient dizim beti” qáliplesedi.

Dizim betiniń tómengi bóleginde bazalıq esaplaw muǵdarınıń yarım esesi muǵdarında tólemdi ámelge asırıw ushın invoys payda boladı.

Invoystıń tómengi bóleginde onlayn tólem sistemaları arqalı tólemdi ámelge asırıw ushın linkler jaylasqan bolıp, olar arqalı tólemdi ámelge asırıw imkaniyatı bar.

Ulıwma alǵanda tólemdi Click, Payme, UPAY, Paynet sıyaqlı elektron tólem sistemaları yaki bank kassaları arqalı ámelge asırıw múmkin.

Tólemdi ámelge asırǵan abiturientler tólem sátli ámelge asırılǵanlıǵın “Jeke kabinet”lerinen “Qabul-2020” bólimine kirip bilip alıwına boladı.

Bunda, olardıń dizim betiniń tómengi bóleginde invoys ornında “To’lovingiz muvaffaqiyatli amalga oshirildi!” degen xabar shıǵadı.

Qosımsha: tólemdi ámelge asırmaytuǵın abiturientler dizimnen ótkende olarǵa invoys qáliplestirilmeydi.

Mámleketlik test orayı xabar xızmeti