2020-jıl 6-noyabrde Ózbekstan Respublikası Prezidentiniń “Bilim-tárbiya sistemasın jáne de jetilistiriwge tiyisli qosımsha is-ilajlar haqqında” PQ-4884-sanlı qararı qabıllanǵan edi. Usı qarardıń 9-bántinde 2021-jıl  1-yanvardan baslap mámleketlik joqarı bilimlendiriw mekemelerine kiriw ushın test sınawı tapsırmaların dúziw hám ekspertizadan ótkeriwdiń jańa tártibi engiziliwi belgilengen bolıp, qararda belgilengen wazıypalardıń orınlanıwın sapalı támiyinlew maqsetinde 2020-jıl 23-noyabr kúni Mámleketlik test orayında Ózbekstan Respublikası Ilimler akademiyasi, Xalıq bilimlendiriw ministrligi, Joqarı hám orta arnawlı bilimlendiriw ministrligi hám de Mámleketlik test orayı xızmetkerleri qatnasıwında jıynalıs ótkerildi.

Jıynalısta taraw qánigeleri ana tili hám ádebiyat (ózbek, rus hám qaraqalpaq tilleri), shet tili (inglis, nemec, francuz tilleri), fizika hám matematika, tariyx hám geografiya, ximiya hám biologiya pánleri boyınsha toparlarǵa bólinip “Pán mazmunınıń quramı” joybarın keń talqıladı.

Talqılawlardan soń “Pán mazmunınıń quramı” Mámleketlik test orayı Ilimiy-metodikalıq keńesi tárepinen tastıyıqlandı.

Mámleketlik test orayınıń tiyisli qánigeleri tárepinen usı “Pán mazmunınıń quramı”na tiykarlanǵan jańa test tapsırmaları qáliplestirildı, aprobaciya ótkeriw ushın variantlar islep shıǵıldı. Onda oqıw baǵdarlamaları tiykarında dúzilgen logikalıq pikirlew, másele hám mısallardı orınlawǵa baǵdarlanǵan test tapsırmalarınan paydalanıldı.

Aprobaciya 13, 14-yanvar kúnleri Qaraqalpaqstan Respublikası, wálayatlar hám Tashkent qalasında ótkerildi.

Aprobaciyada akademiyalıq licey, qánigelestirilgen ulıwma bilimlendiriw mektepleri hám ulıwma orta bilimlendiriw mektepleriniń 5 mıńnan aslam pitkeriwshileri qatnastı.

Mámleketlik test orayı xabar xızmeti