Mámleketlik test orayınıń 2019-jıl MEDIA-JOBAsına muwapıq “Test sınawı tapsırılatuǵın pánler toplamında ózgerisler, test tapsırmaları sanı hám bahalaw ólshemi, abiturientlerdi Mámleketlik test orayınıń rásmiy veb-saytı arqalı online dizimge alıw sisteması, mámleketlik hám rus tilin biliw dárejesi haqqında sertifikat beriwdi jolǵa qoyıw, sonday-aq, Britaniya Keńesi menen birgelikte “APTIS for teachers” testlerin ótkeriw” temalarında press-konferenciya ótkerildi.
Konferenciya 2019-jıl 28-dekabr kúni Xabar hám ǵalaba kommunikaciyalar agentligi binasında shólkemlestirildi. Onda Mámleketlik test orayı direktori orınbasarı Xakberdiyev Kaxramon Kurbanovich, basqarma baslıqları Zuparxodjayeva Sevar Zakirovna, Radjabov Sardor Baxtiyarovich, Qoshqarov Diyorbek Uluǵbekovich, bólim baslıqları Noraliyev Uluǵbek Saydganiyevich, Urayeva Elvira Usmanovna, yuridikalıq byuro baslıǵı Madrahimova Guljahon Rozimboy qızı, xabar xızmeti baslıǵı Boboyev Orziqul Mirzayevich hám de pán ekspertleri, ǵalaba xabar quralları jurnalistleri, blogerler, oqıw orayı wákili qatnastı.
Ilaj dawamında Mámleketlik test orayı tárepinen jańa oqıw jılınan baslap, joqarı bilimlendiriw mekemeleriniń bakalavriatına qabıllaw test sınawlarında jaratılıp atırǵan qolaylılıq hám imkaniyatlar, májbúriy pánler boyınsha qáliplestirilgen test tapsırmaları, olar orınlarda hám onlayn aprobaciyadan ótkerilgenligi, abiturientlerge Mámleketlik test orayı veb-saytı arqalı dizimnen ótkeriwdi jolǵa qoyıw, CEFR talaplarına muwapıq B1 hám B2 dárejede jańa pánlerden test sorawları tayarlanǵanlıǵı hám de aprobaciyalardan ótkerilgenligi, sonday-aq, shet tili oqıtıwshıları ushın ústeme boyınsha Britaniya Keńesi menen birgelikte “APTIS for teachers” testlerin shólkemlestirilip atırǵanlıǵı, bul testler Mámleketlik test orayı tárepinen hár ayda bir ret ótkeriliwi, nátiyjeler Ullı Britaniya qánigeleri tárepinen tekseriliwi hám 3 kúnde járiylanıwı haqqında maǵlıwmatlar usınıldı.
Tele hám radiokanallar, baspa hám elektron ǵalaba xabar quralları wákilleri, blogerler, oqıw orayı wákiliniń sorawlarına tolıq juwap berildi.
Press-konferenciya qızǵın pikirlesiwler ruwxında ótti.
Mámleketlik test orayı xabar xızmeti
