Usı jıl oktyabr ayı ushın “online” dizimnen ótip, hújjetlerin Mámleketlik test orayı hám onıń aymaqlıq bólimlerine alıp kelip tapsırǵan talabanlar ushın Shet tilin biliw dárejesin anıqlaw boyınsha test sınawlarınıń jazba (tıńlap túsiniw, oqıw, leksikalıq hám grammatikalıq kompetenciyalar, jazba jumıs) bólimi 2019-jıl 16-oktyabr kúni bolıp ótedi.

Sınawlardıń “sóylew bólimi” test sınawlarınıń keyingi eki kúni dawamında bolıwı kózde tutılmaqta.

Test sınawlarınıń ashıqlıǵın támiyinlew maqsetinde hám de talabanlardıń múrájatlarına tiykarlanıp, “Sóylew” kónlikpesin bahalaw imtixanları Tashkent qalasında bolıp ótedi.

Imtixan sánesi hám de waqtı Shet tilin biliw hám iyelew dárejesin bahalaw basqarmasınıń rásmiy saytı http://my.nsfla.uz/ arqalı bilip alıwıńız múmkin.

Mámleketlik test orayı barlıq talabanlarǵa sát tileydi!