Ózbekstan Respublikası Prezidentiniń “2021-2022-oqıw jılında Ózbekstan Respublikasınıń joqarı bilimlendiriw mákemelerine oqıwǵa qabıllawdıń mámleket buyırtpası parametrleri haqqında” qararı menen 2021-2022-oqıw jılı ushın mámleket buyırtpası parametrleri tastıyıqlandı.

Bul qararda maqsetli qabıllaw parametrleri hám mámleket buyırtpası parametrleriniń tiller kesimindegi bólistiriliwi bes kún múddette Ózbekstan Respublikası bilimlendiriw mákemlerine oqıwǵa qabıllaw boyınsha mámleketlik komissiyası tárepinen tastıyıqlanıwı belgilengen.

Maqsetli qabıllaw parametrleri hám mámleket buyırtpası parametrleriniń tiller kesimindegi bólistiriliwi Mámleketlik komissiyası tárepinen tastıyıqlanǵannan soń Mámleketlik test orayınıń my.dtm.uz saytında 1 kún dawamında texnik jumılar alıp barılıp (aldınnan járiyalanǵan halda), qabıllaw parametrleri sistemaǵa kiritiledi.

Bunnan soń abiturientler bilim baǵdarların tańlawı múmkin boladı. Sistemaǵa bilim baǵdarların tańlaw imkaniyatı qosılǵannan soń Mámleketlik test orayınıń rásmiy veb-saytı hám sociallıq tarmaqlardaǵı rásmiy betlerinde járiyalanadı. sahifalaridae’lonqilinadi.

Mámleketlik test orayı xabar xızmeti