Mámleketlik test orayı oraylıq apparatı hám wálayatlardaǵı bólimleri tárepinen orınlarda turaqlı ushırasıwlar, sáwbetlesiwler, ashıq pikir alısıwlar shólkemlestirilmekte.

Bólim baslıǵı U.Noraliyev, bas qánigeler X.Abdurahmonov, A.Muhamedovlardıń qatnasıwında ótkizilgen ushırasıwlardan biri 2020-jıl 12-fevral kúni Tashkent mámleketlik shıǵıstanıw institutı janındaǵı akademiyalıq liceyinde shólkemlestirildi. Dóńgelek stol átirapındaǵı sáwbetlesiwler kórinisinde ótkerilgen ilajda akademiyalıq licey jámááti, oqıtıwshıları, oqıwshıları qatnastı.  

Ushırasıw dawamında Mámleketlik test orayı xızmeti, Ózbekstan Respublikası Prezidentiniń 2019-jıl 14-maydaǵı “Joqarı bilimlendiriw mekemelerine test sınawları arqalı qabıllaw sistemasın jetilistiriw boyınsha qosımsha is-ilajlar haqqında” PQ-4319-sanlı, Ministrler Kabinetiniń 2019-jıl 3-apreldegi 261-sanlı hám de 2019-jıl 13-maydaǵı 395-sanlı qararlardıń mazmun-mánisine ayırıqsha itibar qaratıldı.

Sonıń menen bir qatarda, 2020/2021-oqıw jılı qabıllawı hám kiriw test sınawları procesinde bolatuǵın jańalıq hám ózgerisler, usınılıp atırǵan imkaniyatlar, imtiyazlar hám hújjet tapsırıw barısındaǵı jaratılıp atırǵan qolaylılıqlar hám basqa áhmiyetli ózgerisler boyınsha maǵliwmatlar jetkerildi.

Kórsetilgen máseleler,  payda bolǵan sorawlar boyınsha tolıq túsinikler berildi.

Ilaj mazmunlı, kóterińki ruwxta ótti.

Mámleketlik test orayıxabar xızmeti