Mámleket komissiyasınıń 1-sanlı bayanına muwapıq tiyisli ministrlik hám jergilikli hákimlikler buyırtpaları tiykarında respublika aymaqlarındaǵı densawlıqtı saqlaw, xalıq bilimlendiriwi, veterinariya tarawlarında joqarı maǵlıwmatlı kadrlarǵa bar bolǵan joqarı zárúrlikti qaplaw maqsetinde maqsetli qabıllaw kórsetkishleri belgilendi.

Bunda 2020-2021-oqıw jılında respublika joqarı bilimlendiriw mekemeleri bakalavriatınıń kúndizgi bilimlendiriw forması boyınsha mámleket buyırtpası tiykarında oqıwǵa qabıllaw parametrlerinde mámleketlik grand tiykarında jámi 2 708 orın ajıratıldı.

Maqsetli qabıllaw parametrleri:

• Densawlıqtı saqlaw tarawı ushın rayonlar kesiminde  – 1 503.
• Xalıq bilimlendiriwi tarawı ushın rayonlar kesiminde  – 980.
• Veterinariya tarawı ushın aymaqlar kesiminde  – 225.

Mámleketlik test orayı xabar xızmeti