Tarawǵa baylanıslı mashqalalardı ornında úyreniw hám sheshiw maqsetinde Bilim hám mamanlıqlardı bahalaw agentligi basshılıǵı tárepinen aymaqlarda kóshpeli qabıllawlar shólkemlestirilmekte.

Náwbettegi kóshpeli qabıllaw 2025-jıl 16-aprel kúni Bilimdi bahalaw agentliginiń Test texnologiyaların rawajlandırıw basqarması baslıǵı Olimbekov Zafarbek Olimbek ulı tárepinen Agentliktiń Sırdárya wálayatındaǵı bólimi imaratında ótkerildi.

Kóshpeli qabıllawda Agentlik tárepinen ótkerilip atırǵan ulıwma bilim beriw pánlerin biliw dárejesin bahalaw milliy test sisteması boyınsha tolıq maǵlıwmatlar berildi hám de milliy sertifikat imtixanları boyınsha puqaralardıń múrájatları qabıl etildi.

Kóshpeli qabıllawǵa kelgen puqaralar, oqıtıwshılar, oqıwshılar hám abiturientlerdiń múrájatlarına tiyisli tártipte huqıqıy túsinik berildi. Sonday-aq, olar tárepinen bildirilgen pikir-usınıslar agentlik jumısında inabatqa alınıwı aytıp ótildi.