2020-jıl 9-yanvardan 17-yanvarǵa shekem Sırdárya wálayatındaǵı ulıwma bilimlendiriw mektepleri hám kásip-óner kolledjleriniń basshıları hám pedagog xızmetkerleri ushın Mámleketlik test orayınıń Sırdárya wálayatı bólimi xızmetkerleri tárepinen joqarı bilimlendiriw mekemelerine kiriw imtixanları menen baylanıslı Ózbekstan Respublikası Prezidenti hám Ministrler Kabineti qararlarınıń mazmun mánisi hám de Mámleketlik test orayı tárepinen ámelge asırılıp atırǵan jumıslar boyınsha orınlarǵa shıǵıp oqıw-seminarlar shólkemlestirildi.

Olarda rayon (qala) hákimlikleriniń jaslar siyasatı, sociallıq rawajlandırıw hám ruwxıy-aǵartıwshılıq isleri boyınsha orınbasarları, xalıq bilimlendiriw bólimleri baslıqları, ulıwma bilimlendiriw mektepleri hám kolledjleriniń basshıları, pedagog xızmetkerlerinen ibarat jámi 1438 xizmetker qatnastı.

Orınlarda ótkerilgen oqıw-seminarlarda qatnasıwshılarǵa test sınawları menen baylanıslı normativ-huqıqıy hújjetlerdiń mazmun mánisi, joqarı bilimlendiriw mekemeleri bakalavriatına oqıwǵa qabıllaw sistemasına kirgizilgen qosımsha hám ózgerisler, abiturientler ushın jaratılǵan qolaylıqlar hám imkaniyatlar, test sınawların ashıq hám ádalatlı ótkiziw ushın ámelge asırılıp atırǵan jumıslar, joqarı bilimlendiriw mekemeleriniń bakalavriat bilimlendiriw baǵdarlarına sáykes test sınawı tapsırılatuǵın pánler toplamı, test tapsırmaları sanı hám de bahalaw ólshemleri haqqında túsinikler berildi.

Sonday-aq, Mámleketlik test orayı hám “DAVR PRESS” baspaxanası menen birgelikte basıp shıǵarılıp atırǵan “Test tapsırmaları toplamları” hám “e-Sinov” sisteması haqqında kórgizbeli materiallar usınıldı.

Oqıv-seminarlarınıń 2-basqıshı fevral ayında ótkeriliwi jobalastırılǵan.

Mámleketlik test orayı xabar xızmeti