2019-jıl 14-dekabr kúni Ózbekstan Respublikası Ministrler Kabineti janındaǵı Mámleketlik test orayı direktorı orınbasarı Xakberdiyev Kaxramon Kurbanovich basshılıǵında Oray xızmetine baylanıslı máselelerge tiyisli fizikalıq hám yuridikalıq shaxslardıń múrajatların kórip shıǵıw boyınsha Sırdárya hám Jizzax wálayatlarında kóshpeli qabıllaw ótkerildi.
Kóshpeli qabıllawlar Sırdárya wálayatında Shet tillerine qánigelestirilgen ulıwma bilimlendiriw mektep internatınıń belsendiler zalında 150 den artıq ulıwma bilimlendiriw mektepleriniń pitkeriwshileri, pedagog kadrlar, ata-analar, puqaralar, ǵalaba xabar quralları wákilleri qatnasında, Jizzax wálayatında bolsa JizDPI janındaǵı Sayljoy akademiyalıq liceyi belsendiler zalında 100 ge jaqın orta arnawlı kásip-óner bilimlendiriw mekemeleri, akademiyalıq liceyler hám ulıwma bilimlendiriw mktepleriniń pitkeriwshileri, oqıtıwshılar hám ata-analar qatnasında bolıp ótti.
Ushırasıwlarda Mámleketlik test orayı direktorı orınbasarı Xakberdiyev Kaxramon Kurbanovich Ózbekstan Respublikası Prezidentiniń 2019-jıl 14-maydaǵı “Joqarı bilimlendiriw mekemelerine test sınawları arqalı qabıllaw sistemasın jáne d jetilistiriw boyınsha qosımsha is-ilajlar haqqında”ǵı PQ-4319-sanlı qararı, Ministrler Kabinetiniń 2019-jıl 13-maydaǵı “Joqarı bilimlendiriw mekemelerine oqıwǵa qabıllawda milliy hám de xalıqaralıq bahalaw sistemaları sertifikatların en jaydırıw is-ilajları haqqında”ǵı 395-sanlı, 2018-jıl 3-apreldegi “Joqarı bilimlendiriw mekemelerine oqıwǵa qabıllaw tártibin jáne de jetilistiriw tártibi haqqında”ǵı 261-sanlı qararları hám de test sınawları menen baylanıslı basqa normativ-huqıqıy hújjetlerdiń mazmun-mánisi boyınsha ushırasıw qatnasıwshılarına túsinikler berdi.
Ushırasıw ashıq pikirlesiw tárizinde ótkerilip, onda Ózbekstan Respublikası joqarı bilimlendiriw mekemelerine kiriw test sınawlarındaǵı sońǵı ózgerisler, abiturientler ushın jaratılǵan imkaniyatlar, test sınawlarınıń ádalatlı ótiwi ushın Mámleketlik test orayı tárepinen ámelge asırılıp atırǵan islerge ayrıqsha itibar qaratıldı.
Kóshpeli qabıllaw qatnasıwshıları Mámleketlik test orayı xızmeti, joqarı bilimlendiriw mekemeleriniń bakalaviriatına oqıwǵa kiriw imtixanları hám basqa ózlerin qızıqtırǵan sorawlarına juwaplar aldı.
Mámleketlik test orayı xabar xızmeti
