Joqarı oqıw orınlarınıń bakalavriat tálim baǵdarlarına oqıwǵa kiriw test sınaqların sapalı hám ádalatlı shólkemlestiriw, ashıq-aydın hám áshkara ótkeriw maqsetinde proceske topar qadaǵalawshısı sıpatında alınıwı rejelestirilgen talabanlar ushın 2022-jıl 24-marttan baslap oqıw-seminarı baslandı.

Qaraqalpaqstan Respublikası, wálayatlar hám Tashkent qalasında bolıp ótip atırǵan oqıw seminarı ámeldegi “Joqarı oqıw orınlarına oqıwǵa qabıllaw tártibin jánede jetilistiriw haqqında”ǵı 261-sanlı qararı tiykarında shólkemlestirilip, olarda joqarı oqıw orınları tárepinen usınılǵan professor-oqıtıwshılar, professional bilimlendiriw hám de xalıq bilimlendiriw sistemasındaǵı oqıw orınlarında jumıs islep atırǵan basshı hám pedagog xızmetkerler qatnasip atır. Seminar Mámleketlik test orayınıń qánigeleri tárepinen islep shıǵılǵan oqıw dástúri tiykarında ótkerilmekte.

Oqıw-seminarına jámi 5830 talaban qamtıp alınǵan bolıp, seminar 28-martqa shekem dawam etedi. Oqıw seminarı bir neshe basqıshta ótedi hám juwmaqlanǵannan soń imtixan ótkerilip, topar qadaǵalawshıları tańlap alınadı.

Mámleketlik test orayınıń málimleme xızmeti