Orınlarda kóshpeli qabıllawlar shólkemlestiriw, mashqalalardı orınlarda sheshiw áhmiyetli másele bolıp barmaqta. Ásirese búgingi rawajlanıw dáwiriniń keń imkaniyatlar basqıshında.

Mámleketimizdiń tiykarǵı dıqqat itibarına aylanıp úlgergen bilimlendiriw tarawında da bul júdá úlken áhmiyetke iye.

Tarawǵa tiyisli mashqalalardı orınlardı úyreniw, sheshiw hám zárúrli másláhátler, jol-joba kórsetiw boyınsha Mámleketlik test orayı tárepinen kóshpeli qabıllawlarǵa úlken itibar qaratılmaqta hám olardıń sanı asırılmaqta.

2022-jıl 18-may kúni Ózbekstan Respublikası Ministrler Kabineti janındaǵı Mámleketlik test orayı direktorı Karimov Madjit Malikovich qatnasıwında Sırdárya wálayatında náwbettegi kóshpeli qabıllawlar ótkerildi.

Ózbekstan Respublikası Prezidentiniń wálayattaǵı Xalıq qabıllawxanasında hám de Mırzaabat rayonı hákimligi májilisler zalında xalıq wákilleri, jaslar, mektep pitkeriwshileri hám olardıń ata-anaları ushın shólkemlestirilgen bul ilajda test orayınıń iskerligine baylanıslı hám test sınaqları menen baylanıslı puqaralar múrájátleri boyınsha tolıq maǵlıwmat berildi.

Jaslar qatnasıwındaǵı kóshpeli qabıllawlar kiriw test sınaqlarına tiyisli eń sońǵı jańalıqlar, kiritiliwi kútilip atırǵan ózgerisler, test sınaǵın ótkeriw processlerin ápiwayılastırıw, test tapsırıwshılar ushın jánede keń imkaniyat, qolaylıqlarǵa tiykarlanǵan shárayatlar jaratıw, abiturientler ushın jaratılǵan jeńillikler túrleri, logikalıq pikirlewge baǵdarlanǵan test tapsırmaların qáliplestiriw, repeticion-diagnostikalıq test tapsırmalarınıń paydalı tárepleri haqqında ashıq sáwbet formasında ótkerildi.