2019-yıldıń 24-30-noyabr kúnleri Mámleketlik test orayınıń bir topar xızmetkerleri úyreniw hám xalıqaralıq tájiriybe arttırıw maqsetinde Rossiya Federaciyasında boldı. Sapar dawamında M.V.Lomonosov atındaǵı Moskva mámleketlik universitetiniń “Psixologiya fakulteti”nde psixologiyalıq test tapsırmaların qáliplestiriw texnologiyaları menen jaqınnan tanıstı.

Sonday-aq, xızmetkerlerimiz arnawlı baǵdarlama tiykarında shaxstıń intellektual qábiletin (IQ), logikalıq pikirlewin hám psixologiyalıq turaqlılıǵın anıqlawshı test tapsırmaların qáliplestiriw, nátiyjelerdi talqılaw hám de tarawǵa tiyisli ámelde qollanılıp kiyatırǵan xalıqaralıq modeller boyınsha óz tájiriybelerin arttırıwǵa eristi.

Rossiya Federaciyasında alınǵan tájiriybeler tiykarında shaxstıń intellektual qábiletin, logikalıq pikirlewin hám psixologiyalıq turaqlılıǵın anıqlaw Mámleketlik test orayı tárepinen islep shıǵılǵan test tapsırmaları xalıqaralıq metodikalar tiykarında sistemalastırıladı. Sonday-aq, test tapsırmaları aprobaciyadan ótkeriledi hám aprobaciya nátiyjeleriniń ilimiy-statistika talqılawı ámelge asırıladı.

Mámleketlik test orayı xabar xızmeti