2021-jıl 15-oktyabr kúni basshı kadrlar hám juwapker lawazımǵa tayınlanatuǵın shaxslar ushın mámleketlik tilde rásmiy is júritiw boyınsha test sınaqları bolıp ótti.

Test sınaqları basshı kadrlar hám juwapker lawazımlarǵa tayınlanatuǵın shaxslardıń mámleketlik tilin biliw dárejesin anıqlaw hám olarǵa mámleketlik tilin biliw boyınsha dáreje sertifikatın beriw ushın Tashkent qalası hám basqa aymaqlarda ótkerildi.

Imtixan dawamında talabanlardıń mámleketlik tilin biliw dárejesi, publicistikalıq, ilimiy-publicistikalıq hám rásmiy tekstti oqıp túsiniw, ózbek tiliniń jazba ádebiy normalarınan– imlá qaǵıydaların durıs qollay alıwı, sóz hám qosımshalardan durıs paydalana biliw hám irkilis belgilerin óz ornında islete alıw, sonday-aq, pikirlerin jazba bayan etiw, tapsırmada berilgen rásmiy hújjet tekstin tayarlaw sıyaqlı kónlikpeleri tekserildi.

Test sınaqları nátiyjeleri 15 kún ishinde Mámleketlik test orayınıń rásmiy veb-saytı arqalı daǵazalanadı.

Mámleketlik test orayınıń málimleme xızmeti