Matematika páninen bilimli hám intalı jaslardı tańlap alıw, olardı qollap-quwatlaw hám xoshametlew maqsetinde respublikadaǵı ulıwma bilimlendiriw mektepleri, Prezident, dóretiwshilik hám qánigelestirilgen mektepler, mámleketlik emes bilimlendiriw mekemeleri hám de akademiyalıq licey oqıwshıları arasında “Qoqan olimpiadası” bolıp ótpekte.

Olimpiadanıń wálayat basqıshı Mámleketlik test orayı tárepinen 2021-jıl 20, 21-fevral kúnleri barlıq aymaqlarda ótkeriledi.

Olimpiada úsh toparǵa bólinip, (birinshi topar – 5, 6, 7-klass, ekinshi topar – 8, 9-klass, úshinshi topar – 10, 11-klass) shólkemlestiriledi. Bunda:

• birinshi topar ushın 6 standart, 7 logikalıq, 7 standart bolmaǵan jámi 20 test tapsırması hám 80 minut waqıt;
• ekinshi topar ushın 8 standart, 8 logikalıq, 9 standart bolmaǵan jámi 25 test tapsırması hám 100 minut waqıt;
• úshinshi topar ushın 6 standart, 10 logikalıq, 14 standart bolmaǵan jámi 30 test tapsırması hám 120 minut waqıt ajıratıladı.

Standart testlerdiń hárbir durıs juwabına 2,1 baldan, logikalıq test tapsırmalarına 3,2 baldan, standart bolmaǵan test tapsırmalarına 4,3 baldan beriledi.

Test sınaqları ózbek hám rus tillerinde ótkeriledi.

Mámleketlik test orayı barlıq qatnasıwshılarǵa tabıslar tileydi.

Mámleketlik test orayı xabar xızmeti