Ózbekstan Respublikası Prezidentiniń “Respublika joqarı bilimlendiriw mákemelerine studentlikke qabıl etilgen intalı jaslardı jáne de qollap-quwatlaw ilajları haqqında” 2021-jıl 6 -iyuldaģı PQ-5172-san qararına muwapıq Ózbekstan Respublikasındaǵı mámleketlik joqarı bilimlendiriw mákemeleri bakalavriatınıń kúndizgi tálim formasına kiriw imtixanlarında eń joqarı ball toplaǵan 200 student arasınan Prezident grantı jeńimpazların  anıqlaw belgilengen.

Ámeldegi jıl 17-yanvar kúni Bilimdi bahalaw agentligi tárepinen Prezident grantı jeńimpazların anıqlaw boyınsha ótkerilgen test sınaqlarında 2023-2024-oqıw jılında mámleketlik joqarı bilimlendiriw mákemeleri bakalavriatınıń kúndizgi tálim formasına kiriw imtixanlarında eń joqarı ball toplaǵan 33 student qatnastı.

Talabanlar ushın shet tili hám Ózbekstan tariyxı pánleri boyınsha imtixan ótkerildi. Test sınaqlarında hárbir pán boyınsha 50 den soraw beriliwi belgilengen bolıp, hárbir durıs juwap 2 ball menen bahalanadı. Bunda toplaw múmkin bolǵan maksimal ball 200 baldı quraydı.

Test sınaģı nátiyjeleri Joqarı bilimlendiriw, pán hám innovaciyalar ministrligine beriledi.