Inglis tilin biliw dárejesin anıqlaw test sınaqların kompyuterde elektron tárizde ótkeriw ushın islep shıǵılǵan programma test rejiminde iske túsirildi.

Sistema menen tanısıwdı qálewshi talabanlar test.dtm.uz saytı arqalı 4 kónlikpe boyınsha imtixan tapsırıp, programma menen islew kónlikpesin payda etiwleri múmkin.

Bunda talabanlar tıńlap túsiniw (listening) hám oqıw (reading) kónlikpeleri boyınsha óz nátiyjelerin  test sınaǵı juwmaqlanıwı menen bilip aladı.

Jazba jumıs (writing) hám sóylew (speaking) kónlikpeleri boyınsha nátiyjeler jariyalanbaydı.

Sistemadan tek ǵana kompyuter arqalı paydalanıw múmkin bolıp, bunda i3-10300 áwladınan tómen bolmaǵan processor (grafikalıq chipi menen) hám 8GB tan kem bolmaǵan operativ yad qurılmasına iye kompyuter bolıwı tiyis.

Esletpe: paydalanıwshılarǵa qolay bolıwı ushın sistemada shaxstı identifikaciyalaw sıyaqlı bazı funkciyalar óshirip qoyılǵan.

Mámleketlik test orayınıń málimleme xızmeti