Mámleketimizde baslanǵan pandemiyaǵa qarsı gúres is-ilajları ámelge asırılıp atırǵanlıǵı (karantin) sebepli Mámleketlik test orayı tárepinen toparlar qatnasında shólkemlestiriletuǵın test sınawları karantin dáwirinde waqıtsha toqtatılǵanlıǵı bazılarda barlıq test sınawları sıpatında qabıl etilmekte.

Atap ótiw orınlı, barlıq test sınawları toqtatılǵan emes. Bunda tek ǵalaba toplanıw arqalı ótetuǵın procesler názerde tutılǵan. ONLAYN sisteması arqalı “Test tapsırmaları toplamı 2019”daǵı test tapsırmaları tiykarında e-Sinov, májbúriy pánler boyınsha qáliplestirilgen test tapsırmaları tiykarında jolǵa qoyılǵan  “ONLINE TEST” (ashıq testler menen islesiw) formalarındaǵı test sınawları dawam etpekte.

Sonday-aq, diagnostikalıq test sınawları dáslep toparlarda bir orında toplanǵan halda ótkizilgen bolsa, endilikte diagnostikalıq test materialların 5fan.dtm.uz saytı arqalı úyde otırıp buyırtpa beriw, úyde islew hám nátiyjelerdi biliw sisteması da islemekte.

Hárqanday jaǵdayda da salamat, hár tárepleme bilimli, elimiz ushın jankúyer bolıń.

Mámleketlik test orayı barlıq paydalanıwshılarǵa tabıslar tileydi.

Mámleketlik test orayı xabar xızmeti