Ministrler Kabinetiniń 2020-jıl 12-oktyabrdegi 646-san qararı menen ulıwma bilimlendiriw pánlerinen biliw dárejesin bahalawdıń milliy test sisteması engizilgen edi.

Usı qararǵa muwapıq 2020-jıl 1-dekabrden 31-dekabrge shekem ana tili hám ádebiyat hám de matematika pánleri boyınsha test sınaqlarında qatnasıw tilegin bildirgen talabanlar Mámleketlik test orayı tárepinen onlayn dizimge alındı.

Bul múddet dawamında onlayn dizimnen ótken hám tólemdi ámelge asırǵan talabanlar ushın ana tili hám ádebiyat (ózbek tili hám ádebiyat, rus tili hám ádebiyat, qaraqalpaq tili hám ádebiyat) hám de matematika pánleri boyınsha test sınaqları 13, 14-aprel kúnleri ótkeriletuǵınlıǵın málim etemiz.

Talabanlar test ornı, kúni hám waqtın my.dtm.uz saytı arqalı jeke kabinetinen bilip alıwına boladı.

Mámleketlik test orayı xabar xızmeti