Jámiyetshilikke belgili, 2020-jıl 12-oktyabrde Ministrler Kabinetiniń “Ulıwma bilimlendiriw pánlerin biliw dárejesin bahalawdıń milliy test sistemasın engiziw haqqında”ǵı 646-sanlı qararı qabıllanǵan edi. Onda ana tili hám ádebiyat, matematika pánlerinen biliw dárejesin bahalawdıń milliy test sisteması 2020-jıl 1-dekabrde engiziliwi belgilengen.

Sonday-aq, bul qararda:

• test sınaqların shólkemlestiriw Mámleketlik test orayı tárepinen ámelge asırılıwı;
• test  tapsırmaları bolsa Xalıq bilimlendiriw ministrligi hám Bilimlendiriw sapasın qadaǵalaw inspekciyası tárepinen islep shıǵılıwı kórsetilgen.

Usı maqsette 2020-jıl 1-dekabrden 31-dekabrge shekem ana tili hám ádebiyat, matematika pánleri boyınsha test sınaqlarında qatnasıwdı qálewshi talabanlar Mámleketlik test orayı tárepinen onlayn dizimge alındı.

Házirgi waqıtta Xalıq bilimlendiriw ministrligi hám Bilimlendiriw sapasın qadaǵalaw inspekciyası tárepinen test tapsırmaları qáliplestirilmekte.

Test tapsırmaları qáliplestirilip, Mámleketlik test orayına jiberilgennen soń, test sınaqların ótkeriw múddetleri belgilenedi hám talabanlardıń jeke kabinetinde járiyalanadı.

Mámleketlik test orayı xabar xızmeti