2021-jıl 10-iyun kúni ana tili hám ádebiyat (ózbek tili hám ádebiyatı, rus tili hám ádebiyatı, qaraqalpaq tili hám ádebiyatı) páninen milliy sertifikat ushın ótkerilgen test sınaǵı nátiyjeleri járiyalandı.

Biologiya páni boyınsha bolsa test nátiyjelerin esaplaw jumısları dawam etpekte. Bul process juwmaqlanıwı menen biologiya páni boyınsha nátiyjeler de járiyalanadı.

Ana tili hám ádebiyat páni boyınsha test sınaǵında qatnasqan talabanlar óz nátiyjeleri menen nsfla.dtm.uz saytı arqalı jeke kabinetinde tanısıwı múmkin.

Test sınaǵı nátiyjesi boyınsha eń joqarı baldıń keminde 60 payızın toplaǵan shaxslarǵa 3 yil múddetke sertifikat beriledi.

Test sınaǵınan tabıslı ótken talabanlar óz sertifikatların jeke kabinetleri arqalı elektron túrde júklep alıwı múmkin.

Bul sertifikatqa iye bolǵan abiturientlerge sertifikattaǵı ózlestiriw payızına sáykes ráwishte joqarı bilimlendiriw mákemelerine kiriw test sınaqlarında usı pánnen maksimal balǵa salıstırmalı proporcional ball beriledi.

Esletip ótemiz, nátiyjesinen narazı bolǵan talabanlar 5 jumıs kúni ishinde appellyaciya arzaların beriwi múmkin.

Mámleketlik test orayı xabar xızmeti