2023-jıl 29-yanvar kúni ana (ózbek, rus, qaraqalpaq) tili hám ádebiyatı páninen milliy sertifikat imtixanları bolıp ótti.

Imtixanlar talabanlarǵa qolay bolıwı ushın Qaraqalpaqstan Respublikası, wálayatlar hám Tashkent qalasında ótkerildi.

Bunda 4 912 talabanlar qatnastı hám 2 talaban tártip-qaǵıydanı buzǵanlıǵı ushın imtixannan shetletildi.

Test sınaǵınıń nátiyjeleri jigirma jumıs kúni ishinde járiyalanadı hám eń joqarı balldıń keminde 60 procentin toplaǵan talabanlarǵa elektron sertifikat beriledi.

Sertifikatqa iye bolǵan abiturientlerge JOO larına kiriwde qánigelik páni boyınsha tómendegishe ball beriledi:

60 % ten 86 % ke shekem — maksimall ballǵa salıstırmalı (proporsional) ball;

86 procentten joqarı toplaǵanlarǵa— maksimal ball.

Sonday-aq, milliy sertifikatqa iye abiturientlerge tiyisli májbúriy pán boyınsha joqarı ball beriledi.