Ózbekstan Respublikası Prezidentiniń “2021-2022-oqıw jılında Ózbekstan Respublikasınıń joqarı bilimlendiriw mákemelerine oqıwǵa qabıllawdıń mámleketlik buyırtpası parametrleri haqqında”ǵı qararına muwapıq:

2021-2022-oqıw jılınan baslap,  Olimpiya hám Paralimpiya, Aziya hám Paraaziya oyınları hám jáhán chempionatlarında sońǵı úsh jılda jeńimpaz hám sıylıqlı orın iyeleri (1–3-orın) bolǵan sportshı-oqıtıwshılar mámleketlik joqarı bilimlendiriw mákemeleriniń bakalavriat bilim baǵdarlarına kúndizgi, sırtqı hám keshki bilim túrlerine qosımsha mámleketlik grantı tiykarında kiriw imtixanlarısız qabıllanadı.

Bunda, Olimpiya hám Paralimpiya, Aziya hám Paraaziya oyınları hám jáhán chempionatlarında jeńimpaz hám sıylıqlı orın iyeleri (1–3-orın) bolǵan sportshı-oqıwshılar joqarı bilimlendiriw mákemelerine kiriw imtixanlarısız qabıllanatuǵın bakalavriat bilim baǵdarları dizimi Turizm hám sport ministrligi, Joqarı hám orta arnawlı bilimlendiriw ministrligi hám de joqarı bilimlendiriw mákemeleri bolǵan ministrlik hám organlardıń tiykarlandırılǵan usınıslarına muwapıq Mámleketlik komissiyası tárepinen tastıyıqlanadı hám de Turizm hám sport ministrliginiń rásmiy veb-saytında járiyalanadı.

Mámleketlik test orayı xabar xızmeti