Ózbekstan Respublikası Prezidentiniń 2022-jıl 21-dekabrdegi PF-269-sanlı pármanı menen Bilimlendiriwdiń sapasın qadaǵalaw mámleketlik inspekciyası jumısı toqtatılıp, onıń wazıypa hám funkciyaları Mektepke shekemgi hám mektep bilimlendiriw ministrligi hám de Joqarı bilimlendiriw, ilim hám innovaciyalar ministrligi arasında bólistiriliwi belgilengen.
Sol sebepli Joqarı bilimlendiriw, ilim hám innovaciyalar ministrligi janındaǵı Bilim hám mamanlıqlardı bahalaw agentligine nostrifikaciya hám apostil xızmetlerin kórsetiw boyınsha funkciyalardı qabıl etip alıw ilajların kóriw tapsırması berilgen.
Búgingi kúnde Bilim hám mamanlıqlardı bahalaw agentligi tárepinen nostrifikaciya hám apostil xızmetlerin kórsetiw ushın maǵlıwmatlar bazasın qabıl etip alıw, sol tiykarında informaciya sistemasın islep shıǵıw hám onı tiyisli informaciyalıq sistemalar menen integraciya etiw boyınsha jumıslar ámelge asırılmaqta.
Bul procesler belgili bir waqıt talap etiwin itibarǵa alǵan jaǵdayda bul xızmetlerdi usı jıldıń mart ayında iske túsiriw ilajları kórilip atırǵanlıǵın málim etip bildiremiz.
