Tarawǵa tiyisli mashqalalardı orında úyreniw, sheshiw hám de zárúr másláhát, jol-jobalar kórsetiw maqsetinde Bilimdi bahalaw agentligi tárepinen kóshpeli qabıllawlar shólkemlestirilip atır.

Náwbettegi kóshpeli qabıllaw 2025-jıl 24-fevral kúni Bilimdi bahalaw agentligi direktor orınbasarı Farhod Mirzaev tárepinen Navaiy wálayatında ótkerildi.

Bul ilaj Navayı wálayatındaǵı Prezident xalıq qabıllawxanasında xalıq wákilleri, jaslar, mektep pitkeriwshileri hám olardıń ata-anaları ushın shólkemlestirildi.

Kóshpeli qabıllaw dawamında Bilimdi bahalaw agentligi iskerligine tiyisli máseleler boyınsha múrájat etken puqaralar qabıl etilip, kóterilgen máselelerdi sheshiwge jaqınnan járdem berildi.