26-yanvar kúni Respublika Qurallı Kúshleri qatarında múddetli áskeriy xızmetin ótep atırǵan xızmetshilerge áskeriy usınısnama beriw boyınsha sınaqlar baslanadı.

Test sınaqları Ózbekstan Respublikası Ádillik ministrligi tárepinen 2020-jıl 31-yanvarda 3215 san menen dizimnen ótkerilgen “Múddetli áskeriy xızmetti ótep atırǵan áskeriy xızmetshilerge Ózbekstan Respublikası joqarı bilimlendiriw mekemelerine oqıwǵa kiriw ushın usınısnamalar beriw tártibi haqqındaǵı Nızam” tiykarında shólkemlestirilmekte.

Test sınaqları tiyisli ministrlik hám organlar menen birgelikte hárbir áskeriy bólimniń ózinde ótkeriledi.

Múddetli áskeriy xızmetshiler ushın ótkeriletuǵın test sorawlarınıń ulıwma sanı 100, olardan 40 ı – jawıngerlik tayarlıq, 20 sı  – ruwxıy-aǵartıwshılıq tayarlıǵı, 10 ı – matematika, 10 ı – fizika páni boyınsha boladı. Sonday-aq qalǵan 20 sı logikalıq test sorawlarınan ibarat.

Test sorawları fevral ayı aqırına shekem dawam etedi.

Mámleketlik test orayı xabar xızmeti