Ana (ózbek, qaraqalpaq, rus) tili hám ádebiyat pánlerinen milliy sertifikat imtixanı 2025-jıl 12-13-aprel hám 19-20-aprel (shembi-ekshembi) kúnleri bolıp ótiwi belgilendi.

Test sınaǵında qatnasatuǵın talabanlar ruqsatnamanı my.gov.uz saytınıń "Mening arzalarım" bóliminen alıwı múmkin.

Ruqsatnamada talabanlar qashan, qay jerde test sınaǵında qatnasıwı kórsetilgen bolıp, talabanlardan belgilengen waqıttan keshikpey keliwi soraladı.

Talabanlar test sınaǵı ótkeriletuǵın imaratlarǵa shaxsın tastıyıqlawshı hújjet (pasport yamasa ID-karta) tiykarında 1-smenada 07:00 den 08:30 ǵa shekem, 2-smenada 12:30 den 14:00 ge shekem kirgiziledi.

Test sınaǵına 1-smenada 08:30 dan, 2-smenada 14:00 den kesh kelgen talabanlar kirgizilmeydi. Belgilengen waqıttan kesh kelgen yamasa kelmegen talabanlar ushın qosımsha imtixan ótkerilmeydi.