2021-jıl 13-aprel kúni milliy sertifikatlastırıw sisteması ushın baslanǵan test sınaqları 14-aprel kúni dawam ettirildi.

Test sınaqları Qaraqalpaqstan Respublikası, wálayatlar hám Tashkent qalasında sanitariya-gigiena talaplarına ámel etilgen jaǵdayında shólkemlestirildi.

Onda 2020-jıl 1-dekabrden 31-dekabrge shekem my.dtm.uz saytı arqalı dizimnen ótken hám test sınaǵı ushın tólemdi ámelge asırǵan 700 ge jaqın talabanlar qatnastı.

Test sınaqları ózbek, rus hám qaraqalpaq tillerinde shólkemlestirilip, talabanlardıń matematika pánin biliw dárejesi sınaqtan ótkerildi.

Test nátiyjeleri Ministrler Kabinetiniń 2020-jıl 12-oktyabrdegi 646-sanlı qararına muwapıq jigirma jumıs kúni ishinde Mámleketlik test orayınıń rásmiy veb-saytında járiyalanadı.

Test sınaǵı nátiyjesi boyınsha eń joqarı baldıń keminde 60 payızın toplaǵan shaxslarǵa 3 jıl múddetke sertifikat beriledi.

Bul sertifikatqa iye bolǵan abiturientlerge sertifikattaǵı ózlestiriw payızına sáykes tárizde joqarı bilimlendiriw mekemelerine kiriw test sınaqlarında usı pánnen belgilengen maksimal balǵa qaray proporcional ball beriledi.

Mámleketlik test orayı barlıq test tapsırıwshılarǵa tabıslar tileydi!

Mámleketlik test orayı xabar xızmeti