2019-jıl 30-oktyabr kúni Mámleketlik test orayında májbúriy pánler boyınsha test tapsırmalarınıń aprobaciyası bolıp ótti.

Aprobaciya eki smenada shólkemlestirilip, onda http://3fan.dtm.uz/ saytı arqalı dizimnen ótken 530 talaban qatnastı.

Aprobaciya procesinde talabanlarǵa ana tili (ózbek, rus yaki qaraqalpaq tili), matematika hám Ózbekstan tariyxı pánleriniń hárbirinen 15, jámi 45 test tapsırması berildi.

Aprobaciya juwmaǵında Mámleketlik test orayı qánigeleri tárepinen test sorawlarındaǵı ózgerisler boyınsha maǵlıwmatlar hám de talabanlardıń sorawlarına juwaplar berildi.

Mámleketlik test orayı xabar xızmeti