Ózbekstan Respublikası Prezidentiniń 2019-jıl 14-maydaǵı PQ-4319-san “Joqarı bilimlendiriw mekemelerine test sınawları arqalı qabıllaw test sistemasın jetilistiriw boyınsha qosımsha is-ilajlar haqqında”ǵı qararında 2020-2021 oqıw jılı qabıllawınan baslap test sınawı tapsırılatuǵın pánler jıynaǵın eki bólimge ajıratıp, birinshi bólimge barlıq test tapsırıwshılar ushın májbúriy úsh pán — ana tili (qaraqalpaq, ózbek, rus tili) matematika hám Ózbekstan tariyxı, ekinshi bólimge abiturient tańlaǵan bakalavriat bilimlendiriw baǵdarına sáykes eki pándi kirgiziw belgilep qoyılǵan.

Mámleketlik test orayı tárepinen barlıq test tapsırıwshılar ushın májbúriy úsh pán — ana tili (qaraqalpaq, ózbek, rus tili), matematika hám Ózbekstan tariyxı pánleri boyınsha úlgi test tapsırmaları islep shıǵıldı.

2019-jıl 22, 24-oktyabr kúnleri respublikamızdaǵı orta arnawlı hám ulıwma orta bilimlendiriw mekemelerinde usı test tapsırmalarınıń aprobaciyası ótkeriledi.

Mámleketlik test orayı xabar xızmeti