2022-jıl 1-aprel kúni Mámleketlik test orayında “Korrupciya – rawajlanıwımızǵa tosıq” temasında náwbettegi seminar hám ashıq sóylesiw ótkerildi.

Onda Ózbekstan Respublikası Korrupciyaǵa qarsı gúresiw agentliginiń juwaplı xızmetkeri Bekzod Rahmonov hám de Mámleketlik test orayı adminstraciyası hám jámááti qatnastı.

Ilaj sheńberinde tarawǵa tiyisli Ózbekstan Respublikasınıń Nızamları, Ózbekstan Respublikası Prezidentiniń qarar hám pármanlarında belgilengen aktual wazıypalardıń ámelge asırılıw jaǵdayı, isleniwi kerek bolǵan jumıslar hám olardıń huqıqıy tiykarların jaratıw sıyaqlı global mashqalalarǵa qarsı gúresiwdiń ámeliy háreketleri haqqında tolıq túsinik berildi.

Ashıq sóylesiwde qatnasıwshılar korrupciyalıq jınayatlar islegen shaxslar reestriniń júritiliwi, korrupciyalıq jınayatlarǵa jaza sharaları, mámleketlik xızmetkerleriniń daramatların deklaraciyalaw, korrupciya boyınsha sorawlarına tolıq hám tiykarlanǵan juwaplardı aldı.

Sonday-aq, mısallar tiykarında korrupciyanıń belgileri, klassifikaciyası, onıń aldın alıwda eń tiykarǵı qural – bul iskerliktiń tolıq ashıq-aydınlıǵı hám ádalattı támiynlew hám de bul tarawda birgelikte gúres hár bir puqaranıń minneti ekenligi aytıp ótildi.

Mámleketlik test orayınıń málimleme xızmeti