Málim bolǵanınday, Ministrler Kabinetiniń 2022-jıl 16-fevraldaǵı 73-sanlı qararı menen shet tilinen kóp dárejeli (Multi-level) test sisteması eńgizildi.

Oǵan muwapıq, kóp dárejeli test sisteması:

• “tıńlap túsiniw” hám “oqıw” bólimleriniń hár biri 35 tapsırmadan;
• “jazba jumıs” bólimi eki jazba tapsırmadan (birinshi tapsırma — 100 — 150 sózden, ekinshi tapsırma — 200 — 250 sózden);
• “sóylew” bólimi tapsırmalardıń 3 túrinen ibarat boladı.

Bunda tıńlap túsiniw bóliminde tekstler 2 ret esittiriledi hám belgilengen waqıt juwaplar betin toltırıw menen birge 45 minuttı quraydı.

Oqıw hám jazba jumıs bólimleriniń hár biri ushın 60 minuttan waqıt ajıratıladı (juwaplar betin toltırıw menen birge).

Sóylew bólimi shama menen 15 minut dawam etedi.

Mámleketlik test orayınıń rásmiy veb-saytına kóp dárejeli test sisteması formatı hám test úlgileri jaylastırılǵan bolıp, olar menen tómendegi siltemeler arqalı tanısıw múmkin:

• https://dtm.uz/page/test_sinovlari_formati;
• https://dtm.uz/page/test_namunalari.

Mámleketlik test orayınıń málimleme xızmeti