2021-jıl 11, 12-may kúnleri birinshi ret ximiya hám biologiya pánlerinen milliy sertifikatlastırıw imtixanları ótkerilgen edi.

Bul imtixan nátiyjeleri Mámleketlik test orayınıń my.dtm.uz saytında járiyalandı. Test sınaǵında qatnasqan talabanlar óz nátiyjeleri menen my.dtm.uz saytı arqalı jeke kabinetinde tanısıwı múmkin.

Test sınaǵı nátiyjesi boyınsha eń joqarı baldıń keminde 60 payızın toplaǵan shaxslarǵa 3 jıl múddetke sertifikat beriledi.

Test sınaǵınan tabıslı ótken talabanlar óz sertifikatların jeke kabinetleri arqalı elektron túrde júklep alıwı múmkin.

Bul sertifikatqa iye bolǵan abiturientlerge sertifikattaǵı ózlestiriw payızına sáykes ráwishte joqarı bilimlendiriw mákemelerine kiriw test sınaqlarında usı pánnen belgilengen maksimal balǵa proporcional ball beriledi.

Esletip ótemiz, nátiyjesinen narazı bolǵan talabanlar 5 jumıs kúni ishinde appellyaciya arzaların beriwi múmkin.

Mámleketlik test orayı xabar xızmeti