Mámleketlik test orayı hám onıń aymaqlıq bólimleri tárepinen búgingi kúnde ámelge asırılıp atırǵan isler, ámeldegi qarar hám pármanlardıń mazmun-mánisi menen tanıstırıw, jaslar hám ata-analardıń múrájatların úyreniw maqsetinde orınlarda kóshpeli qabıllawlar ótkerilmekte.

2021-jıl 20-yanvar kúni Xorezm wálayatında náwbettegi kóshpeli qabıllaw bolıp ótti.

Mámleketlik test orayı direktor orınbasarı Batirov Sherzod Negmuratovich basshılıǵında hám aymaqlıq bólim xızmetkerleri menen birgelikte Yangibozor rayonı 23-sanlı ulıwma bilimlendiriw mektebinde shólkemlestirilgen ilajda wálayat Xalıq bilimlendiriw basqarması, Yangibozor rayonı xalıq bilimlendiriw hákimshiligi, sonday-aq, Úrgensh mámleketlik universitetiniń pedagog xızmetkerleri, ulıwma bilim beriw mektepleriniń basshıları, oqıtıwshılar hám de oqıwshılar qatnastı.

Kóhpeli qabıllawda tiykarǵı itibar Ózbekstan Respublikası Prezidenti, Ministrler Kabinetiniń bilimlendiriw mekemelerine oqıwǵa qabıllaw test sınaqlarınıń ádalatlıǵı hám ashıqlıǵın támiyinlew, test tapsırıwshılar ushın jáne de keń shárt-sharayatlar hám imkaniyatlar jaratıw boyınsha qabıl etilgen párman hám qararlardıń mazmun mánisin túsindiriwge qaratıldı.  

Sonıń menen birge ámeldegi jılda joqarı bilimlendiriw mekemeleriniń bakalavriat bilim baǵdarlarına qabıllaw test sınaqların ápiwayılastırıw, test sınaqların ótkeriw boyınsha kiritilip atırǵan ózgeris hám jańalıqlar, tiyisli ministrlik hám organlar menen birgelikte bul baǵdarda ámelge asırılıp atırǵan islerdiń mánisi hám usı sıyaqlı máselelerge qızıǵıwshılıq joqarı boldi.

Bunı sózge shıqqan pedagoglar, oqıtıwshılar hám oqıwshılardıń múrájatları mazmunınan hám sanınan ańlaw múmkin.

Mámleketlik test orayı xabar xızmeti