Mámleketlik test orayınıń Jizzax wálayatı bóliminiń xızmetkerleri tárepinen 1-basqıshta jobalastırılǵan oqıw-seminar ótkerilip bolındı. Joqarı bilimlendiriw mekemelerine bilimlilerdi tańlawda ádalatlıqtıń ústinligin támiyinlew, Ózbekstan Respublikası Prezidenti hám Ministrler Kabineti qararlarınıń mazmun-mánisin keń jámiyetshilikke túsindiriw maqsetinde 2020-jıl 13-yanvardan 24-yanvarǵa shekem bolǵan múddette wálayattaǵı barlıq rayon (qala)lar xalıq bilimlendiriw bóliminiń baslıqları, ulıwma bilimlendiriw mektepleriniń direktorları, ulıwma bilimlendiriw mektepleriniń pitkeriwshi klass oqıwshıları hám máhálle belsendileri ushın oqıw-seminarları ótkerildi.  

Ótkerilgen ushırasıwlar ashıq pikirlesiwler tárizinde bolıp ótti. Ushırasıwlarda jámi 2300 den artıq xalıq bilimlendiriw bólimi baslıqları, ulıwma bilimlendiriw mektepleriniń direktorları, ulıwma bilimlendiriw mektepleriniń pitkeriwshi klass oqıwshıları hám máhálle belsendileri qatnastı.  

Ushırasıwlarda qatnasıwshılarǵa házirgi kúnde xalıq bilimlendiriw mekemeleri xızmetin túpten reformalaw boyınsha ámelge asırılıp atırǵan jumıslar, Mámleketlik test orayı tárepinen ámelge asırılıp atırǵan ózgeris hám jańalıqlar, bilimlendiriw baǵdarlarına sáykes test sınawı tapsırılatuǵın pánler toplamı, test tapsırmaları sanı hám de bahalaw ólshemleri haqqında, diognostikalıq test sınawları haqqında tolıq túsinikler berildi.  

Oqıw-seminar shınıǵıwlarınıń 2-basqıshı fevral ayında baslanadı.

Mámleketlik test orayı xabar xızmeti