2021-jıl 9, 12-yanvarda informatika hám informaciyalıq texnologiyaların tereńlestirip oqıtıwǵa qánigelestirilgen tayanısh mekteplerine oqıwshılardı qabıllaw ushın test sınawları ótkerildi.

Test sınawları 9-yanvarda Sırdárya, Samarqand hám Tashkent wálayatlarında 7-klasqa qabıllaw ushın, 12-yanvarda Qaraqalpaqstan Respublikası, Andijan, Namangan, Buxara, Nawayı, Xorezm, Qashqadárya, Surxandárya, Jizzax, Samarqand hám Tashken wálayatlarında 5- klasqa qabıllaw ushın ótkerildi.

Bunda oqıwshılar matematika (20 test tapsırması) hám ana tili hám ádebiyat (10 test tapsırması) pánlerinen sınawdan ótti.

Test sınawlarında jámi 1 692 oqıwshı qatnasıwı belgilengen, sonnan 1 491 oqıwshı qatnastı.

Qatnasıwshılardıń test materialları tekserilgennen soń, nátiyjeler Xalıq bilimlendiriw ministrligine jiberiledi.

Mámleketlik test orayı xabar xızmeti