Búgin Mámleketlik test orayı tárepinen Tashkent qalası hám aymaqlarda dáslepki ret basshı kadrlar hám juwaplı lawazımǵa tayınlanatuǵın shaxslar ushın test sınaqları shólkemlestirildi.

Bul test sınaǵı Ministrler Kabinetiniń tiyisli qararında belgilengen tapsırmalar boyınsha shólkemlestirilip, nızam talapları tiykarında ótkerildi.

Imtixan dawamında talabanlardıń mámleketlik tildi biliw dárejesi, publicistikalıq, ilimiy-ǵalabalıq hám rásmiy tekstti oqıp túsiniw, ózbek tiliniń jazba ádebiy ólshemlerinen – imla qaǵıydaların durıs qollay alıwı,  sóz hám qosımtalardan durıs paydalana biliw hám de irkilis belgilerin óz ornında qollay alıw, sonday-aq, pikirlerin jazba bayanlaw, berilgen tapsırmaǵa sáykes rásmiy hújjet tekstin tayarlaw sıyaqlı kónlikpeleri tekserildi.

Test sınaǵı nátiyjeleri 15 is kúni ishinde Mámleketlik test orayınıń rásmiy veb-saytı arqalı járiyalanadı.

Birinshi márte ótkerilgen bunday sınaqlar mámleketimizde reformalardıń jedelligi tarmaq tarawlarında jetilisiw hám rawajlanıw, xalqımızdıń abadanlıǵı, ekonomikalıq turaqlılıq, xalıq aralıq modeller, talaplar tiykarında bilim alıwdıń engizilip atırǵanlıǵı hám basqa áhmiyetli máselelerde erisilip atırǵan tabıslar menen bahalanıp atırǵan házirgi dáwirde tarmaqlardıń basqarıw sistemasında iskerlik etip atırǵan basshı kadrlar hám lawazımǵa tayınlanatuǵın shaxslar da usı tabıslarǵa mas, onıń talaplarına juwap bere alıwı, eń aldı menen, mámleketlik tili – ana tiline itibar kúsheyip baratırǵanlıǵınıń nátiyjesi bolıp tabıladı.

Mámleketlik test orayı xabar xızmeti