Ózbekstan Respublikası Prezidentiniń 2019-jıl 26-fevraldaǵı PQ-4212-sanlı qararında Ishki isler organları xızmetkerleri perzentlerine mámleketlik joqarı bilimlendiriw mekemeleri hám de Ózbekstan Respublikası Qorǵanıw ministrligi, Ishki isler ministrligi, Milliy gvardiyası hám Mámleketlik bajıxana komitetiniń joqarı hám orta arnawlı bilimlendiriw mekemelerine oqıwǵa kiriw ushın imtiyazlar belgilengen.

Ózbekstan Respublikası ishki isler ministri tárepinen beriletuǵın usınısnama hám taqdimnamalar imtiyaz beriw ushın tiykar boladı.

Bunda Ózbekstan Respublikası ishki isler ministri tárepinen:

• mámleketlik joqarı bilimlendiriw mekemelerine kiriw ushın usınısnama;
• Ózbekstan Respublikası Qorǵanıw ministrligi, Ishki isler ministrligi, Milliy gvardiyası hám Mámleketlik bajıxana komitetiniń joqarı hám orta arnawlı bilimlendiriw mekemelerine oqıwǵa kiriw ushın taqdimnoma beriledi.

Huqıq buzarlıqlar profilaktikası hám jınayatshılıqqa qarsı gúresiwde múnásip úles qosqan, xızmet yaki ilimiy iskerliginde joqarı nátiyjelerge erisken Ishki isler organlarınıń ámeldegi xızmetkerleriniń perzentlerine:

• Joqarı bilimlendiriw mekemelerine kiriw ushın ulıwma qabıllaw parametrlerinen tısqarı úsh payızlı qabıllaw kórsetkishleri (qosımsha úsh payızlı qabıllaw kvotası) ajıratıladı. Olarǵa usı úsh payızlı qabıllaw kórsetkishleri sheńberinde tańlawda qatnasıw imtiyazı beriledi (usınısnama tiykarında).

Usınısnama blankasınıń forması

• Áskeriy bilimlendiriw mekemelerine kiriw ushın kursantlar (oqıwshılar)dı qabıllawdıń ulıwma sanınan bes payızlı qabıllaw kórsetkishleri (qosımsha bes payızlı qabıllaw kvotası) ajıratıladı. Olarǵa usı bes payızlı qabıllaw kórsetkishleri sheńberinde tańlawda qatnasıw imtiyazı beriledi (taqdimnoma tiykarında).

Taqdimnama blankasınıń forması

Terrorizm hám jınayatshılıqqa qarsı gúresiw hám de jámáát qáwipsizligin támiyinlew waqtında qaytıs bolǵan yaki alǵan jaraqatı sebepli mayıp bolıp qalǵan Ishki isler organları xızmetkerleriniń perzentlerine:

• Joqarı bilimlendiriw mekemelarine kiriwde tańlawsız, belgilengen qabıllaw parametrlerinen tısqarı mámleketlik grant tiykarında oqıwǵa kiriw imtiyazı beriledi (usınısnama tiykarında).

Usınısnama blankasınıń forması

• Áskeriy bilimlendiriw mekemelerine kiriwde dáslepki hám kásiplik tańlaw nátiyjelerine tiykarlanıp tańlawsız, belgilengen qabıllaw parametrlerinen tısqarı oqıwǵa kiriw imtiyazı beriledi (taqdimnama tiykarında).

Taqdimnama blankasınıń forması

Usınısnama va taqdimnamalardıń ámel etiw múddeti úsh jıl.

Tiykar: Ózbekstan Respublikası Prezidentiniń 2019-jıl 26-fevraldaǵı PQ-4212-sanlı qararı.

Ózbekstan Respublikası Ministrler Kabinetiniń 2019-jıl 6-maydaǵı 375-sanlı menen tastıyıqlanǵan nızam.

Mámleket test orayı xabar xızmeti