2021-jıl 24-may kúni shet tilin biliw hám iyelew dárejesin anıqlaw test sınaqlarınıń jazba (tıńlap túsiniw, oqıw, leksikalıq hám grammatikalıq kompetenciyalar jazba jumıs) bólimi bolıp ótken edi.

Test sınaqlarınıń jazba bóliminde qatnasqan talabanlar ushın 1, 2-iyun kúnleri sóylew kónlikpesin bahalaw imtixanları shólkemlestirildi.

Imtixanlar barlıq aymaqlarda Mámleketlik test orayı tárepinen arnawlı islep shıǵılǵan baǵdarlama arqalı onlayn tárizde ótkerildi.

Onda inglis, nemec, francuz, ispan, italyan, koreys, qıtay, yapon, túrk, arab, parsı hám pushtu tilleri boyınsha 637 talaban qatnastı.

Talabanlardıń sóylew kónlikpesin bahalaw ushın respublikamızdıń eń belgili joqarı bilimlendiriw mákemeleri hám mámleketlik emes shólkemlerde jumıs isleytuǵın tájiriybeli qánigeler tartıldı.

Mámleketlik test orayı xabar xızmeti